كنت أظن [الجهل] ظلما../ وأظن [العلم] نور..~

الله اكبر لا تفكرت فـي بعـض الأمـور
معضلاتٍ تعجز أدهى العقـول تحلهـا ؟!
تخلف العاقـل وتجعلـه مختـل الشعـور
ما يميـز عاقـل النـاس مـن مختلهـا !
كنت أظن الجهل ظلما وأظن العلـم نـور
واثر جهل النفس بعض الأمور أفضل لها !
أثرني لواني اعلـم بمـا تخفـي الصـدور
كان يمدينـي كرهـت الأوادم كلهـا !!
عايش دنيا بهـا مـا بقـى للصـدق دور
غير ناس ترقـص ونـاس اتطبـل لهـا !
كلما ناديـت الأحيـا يلجـن القبـور
وصلنا صوتك والاحياء عجز ياصل لهـا !
الرجال نفوسها تشبـه نفـوس الطيـور
وكـل حـر لا تضايـق سبوقـه تلهـا
للسما وابعد عن ارض بمـن فيهـا تـدور
من يحررها مـن الظلـم ظلـم احتلهـا
يالله انـي طالبـك ياكريـم وياغـفـور
كل نفس لبسـت الغـل تنـزع غلهـا
ان ماصارالرجل نفسه على نفسـه غيـور
يبتلش مـا بيـن عـز النفـوس وذلهـا
الحظيظ اللي لياغاب يبقـى لـه حظـور
عنـد نـاس لا تملـه ولاهـو يملـهـا
واللي ليا شاف من بعض خلانـه قصـور
يتحمـل زلـة مـن خليـلـه زلـهـا
يا خليلي خل قلبك على الشـده صبـور
وكلمـا عينـت نفـس مغلّـة قلـهـا
ما خبرت اسقم على النفس من سقم الغرور
يشبـه لسـلال الأبـدان يـوم يسلهـا
وقل ليا عينت لك شاعـر خالـي شعـور
ناحـر لـه يمـة ضايـع مـن دلـهـا
يحسب ان كنه البدر فـي كـل الشهـور
ما تمـل النـاس مـن طلتـه لا طلهـا
الظهور اللي كذا بس من اجل الظهور ..!
غير كونـه مـا يبـل الكبـود ايعلهـا
اظهر بشعر يخلـد علـى مـر العصـور
اوتريـح والقصايـد لاهلهـا خلـهـا
مل عين العابر اللي خـذا الدنيـا عبـور
ولا لقى لـه شجـرة يستظـل بظلهـا
ايتجمل با الصبـر وايتظاهـر بالسـرور
وهو عينه من طويـل السهـر وا آملّهـا
كل ما حس ان روحه من اعماقـه تفـور
ايتشهـد وايتمـسـك بـهـا لعلـهـا
تندفـع لـو المقابيـل تاليهـا الـدبـور
وكـل روح تاليتهـا الـمـلاك يتلـهـا

قصيدة رآئعة ،
صصح لسآن الشآعر ’،

سلِمت يدآكمشآعر خجولة ,